Home » , » Panduan berPesBuk 1 - Asas

Panduan berPesBuk 1 - Asas

Written By Pentadbir on Wednesday, September 14, 2011 | 2:03 PM

Samakin ghamai yang mangguno an Pesbuk kini. Jadi, sabagai asas ingin yo den manyampai an babaghapo patuo mudah mangguno an Pesbuk ko:
  1. Yang patamo sakali pastikan Pesbuk tu lah ado komuniket (kecek cologeh ni) atau alah ado sambongan ea. Untuok mamastikan ea, sanang yo. Lotak an panunjuok (cursor) tu kek namo sesapo dan tengok. Ado tak kalua gamba ea atau maklumat e cando ko:
    Kok tak ado makno ye baghu sapaghuoh fail yang dianta dek Pesbuk. "Loading" ea "incomplete". inilah manyababkan pasanan kito ilang satalah manakan butang "Enter". Janganlak kato ado urang yang hack atau ado urang yang buang (delete) pasanan kito, yo? hehehe
  2. Kok bulieh jangan mulo an entri jo alamat/url cando alamat Youtube, website atau sabagai ea. Mulokan jo sapatah duo kato mukadimah sabagai topik. Iko untuok mamudah an kengkawan yang menyemak pasanan di emel.
  3. JANGAN GUNOKAN HURUP GADANG (capital letters) cando ko sapajang entri atau komen. Mangikuit pemahaman urang yang biaso baceting (IRC), hurup gadang bamaksud tangah maghah yang sabana ea, anggak mambanggo dighi, manonjol dighi dek tak dilayan urang. Selain itu mungkin ado yang menyipat an kito KUGHANG AJA.
  4. Satiap kali kito manakan butang ENTER mako komen kito akan taghuih dimasuok an lalu manjadi pasanan di sinan. Kok nak buek entri babaghieh-baghieh, takan butang "shift" jo "Enter" kek ujuong ayat tu. makno ea takan kaduo-duo butang tasabuit basamo-samo. Cando iko sanang nak bapantun, bagurindam, manyanyi atau bapuisi.
  5. Kok marujuok an namo kawan yang ado pesbuk ea eloklah mangguno an namo yang didaftarkan kek sini supayo pasanan kito akan sampai kek wa'ea melalui emel. tantu an namo ea tapampang maso kito manaip dan klik pado namo yang tapampang cando di bawah ko:

  6. Untuok pastikan pasanan sampai, pastikan pulo namo yang diklik tadi mampunyai kotak bighu di kalilieng ea cando iko:
  7. Elakkan managuo isu sensitip sacagho tabuko di ruang utamo (wall). Itu guno ea ruangan pasanan (message). Cagho ea, klik namo dari senarai yang ado disabalah kanan. Kok namo ea tak ado kek sinan, paie profail ea dan klik pado butang "message" kek sabalah kanan namo ea.
  8. Kok ingin babincang sasamo sandighi untuk babaghapo urang, guno an "Chat with Group". Jampuit babaghapo urang di siko. Cumo urang yang ado dalam senarai sandighi yo yang bulieh dijampuit.
  9. Ado kalo ea kito tak dapek baco pasanan urang lain tautamo dalam "group chatting" sadangkan urang lain dok mangomen caghito ea. Salalu ea bondo cando iko balako dek sabab dio dan "BLOCKED" kito atau kito yang "blocked" dio. bukan virus doh. Jadi elakkan mam"blocked" urang lain supayo kito bulieh baco sado ea. kok tak suko pun kek urang itu, tutuit yo mato kek komen ea (ignore). Sakurang-kurang ea kito tau ujung ko, pangka ko atau tangah caghito.

Setakat ni yo lah kecek den, yo. Laen kali den usoho an buek panduan baghu.
Share this article :

+ comments + 2 comments

Janmoez
September 16, 2011 at 12:02 AM

Bravo..cayalah Abang Crab..tuleh lah byk2 laie, capek turun an petuo jo panduan kek urang2 yg buto IT..

September 16, 2011 at 3:14 AM

Saba yo Jan. Bilo ado maso den buek laie. Bukan nak bawak masuok kubo pun ilmu ko. doa kengkawan yo yang diharapkan. Wallahualam....

Post a Comment

Nak komen tu komen gak tapi agak agaklah sikiek yo. hehehe

 
Support : Creating Website | Johny Template | Mas Template
Copyright © 2013. Ex-SMDKP Boys n Girls - All Rights Reserved
Template Created by Creating Website Published by Mas Template
Proudly powered by Blogger